شاید، سو لفظی کہانی

سو لفظی کہانی 2

شاید

 "ماسی جیراں! یہ چاول چھت پر ڈال دو !
سوشل میڈیا پر کسی نے کیا خوب لکھا ہے کہ "جس موسم میں فصلیں کچی ہوتی ہیں پرندوں کو کھیتوں سے پیٹ بھر کر خوراک نہیں ملتی چھت پر کچھ ڈال دینا چاہئے آخر پرندوں کے بھی حقوق ہوتے ہیں "
.
"بیگم صاحبہ تھوڑے چاول میں بھی لے جاؤں؟ بچے بہت دنوں سے فرمائش کر رہے ہیں"
.
"تمہیں تو اپنی پڑی رہتی ہے اس مہینے تنخواہ ملے گی تو چاول خرید لینا"
.

"تو پھر باقی خرچے کیسے پورے ہوں گے؟" (ماسی جیراں بڑبڑائی)
"شاید ! ملازموں کے حقوق پر بھی کوئی لکھے اور شاید بیگم صاحبہ بھی پڑھ لیں"

شہزاد احمد کھرل
13مارچ 2018
#سو_لفظی_کہانی
#شاید
#کہانی_سو_لفظوں_کی